Türkiyənin Antalya bölgəsində təlim-məşq toplanışında olan "Qarabağ" klubu bu gün növbəti yoxlama matçını keçirib. Sportnet.az-ın məlumatına görə, rəqib Macarıstan yüksək liqasında çıxış edən "Dioşdyor" komandası olub.
"Kaya Palazzio" otelinin futbol meydanında baş tutmuş qarşılaşma Ağdam komandasının böyük hesablı qələbəsi ilə yekunlaşıb - 4:0. Qollardan 2-ni klubun yeni transferləri Muarem Muaremlə Rahid Əmirquliyev vurub.
"Dioşdyor" ötən mövsüm Macarıstan çempionatını 7-ci pillədə başa vurub. Mişkolts şəhərini təmsil edən komanda hazırda 19 turdan sonra 20 xalla 12 komanda arasında 9-cu pillədə qərarlaşıb. 96 yaşlı klub 1977 və 1980-ci illərdə ölkə kubokunu qazanıb.
Qeyd edək ki, "Qarabağ" Antalyadakı ilk yoxlama matçında Almanyanın regional liqa təmsilçisi "Rot-Vayss Essen"i yenib - 1:0.
Yoxlama oyunu
17:30. "Qarabağ" (Azərbaycan) - "Dioşdyor" (Macarıstan) - 4:0
Qol: Maksim Medvedev, 28. Muarem Muarem, 51. Rahid Əmirquliyev, 58. Mahir Mədətov, 73
"Qarabağ": İbrahim Şehic, Maksim Medvedev, Bədavi Hüseynov, Rəşad Sadıqov, Rahid Əmirquliyev, Muarem Muarem, Dani Kintana, Azər Salahlı, Cavid Tağıyev, Riçard Almeyda.
Ehtiyat oyunçular: Fərhad Vəliyev, Şahruddin Məhəmmədəliyev, Elvin Yunuszadə, Ansi Aqolli, Coşqun Diniyev, Çumbinyo, Samuel Armenteros, Namiq Yusifov, Elgün Uluxanov, İlqar Qurbanov, Migel, Mahir Mədətov, Elvin Məmmədov, Əlhərbi Əl Jadeyui.
Baş məşqçi: Qurban Qurbanov
"Dioşdyor": Radoş, Okuka, Liptak, G.Kovaç, Nemes, Egersegi, Başa, Koman, İ.Boqnar, Barksi, Novotnı
Ehtiyat oyunçular: Antal, Eperjesi, M.Nemet, Kitl, Nixazi, T.Takaş, Qriffits.
Baş məşqçi: Şandor Egervari
