Səhhətindəki problemlərlə əlaqədar ötən gün əməliyyat olunmuş "Kəpəz"in baş məşqçisi bu gün komandasının sükanı arxasında yer ala biləcək. Ailəsindən Sportnet.az-a verilən məlumata görə, 50 yaşlı mütəxəssis böyrək daşının götürülməsi əməliyyatından uğurla çıxıb.
Daha sonra o, xəstəxanadan evinə qayıdaraq, axşam saatlarında Gəncəyə yola düşüb. Ailəsindən Diniyevin özünü normal hiss etdiyi də vurğulanıb.
Qeyd edək ki, Gəncə şəhər stadionunda keçiriləcək "Kəpəz" - "Qəbələ" matçı saat 14:00-da başlanacaq.
