Azərbaycan milli komandası və "İnter"in qapıçısı Kamran Ağayevin xanım müştərini döyməsi ilə bağlı xəbərə qarşı tərəfdən reaksiya gəlib. Bu barədə özünü K.Ağayevin əmisi oğlu kimi təqdim edən şəxs Sportnet.az-a açıqlama verib.
O bildirib ki, hadisə təcrübəli qolkiperin özünün obyektində baş verib: "İçib özünü apara bilməyən müştərilərdən biri dava salıb. Kamran da işçilərinə deyib ki, tutun qulağından atın çölə. Mən bu qədər deyə bilərəm. İndi telefonu məndədir, özü isə oyuna hazırlaşır. Ətraflı məlumatı oyundan sonra özündən öyrənin".
Qeyd edək ki, bu gün "İnter" "Xəzər Lənkəran"la Azərbaycan Premyer Liqasının XXXIV tur matçında üz-üzə gələcək. "İnter Arena"da keçiriləcək oyun saat saat 17:00-da başlanacaq.
Kamran Ağayevin restoranda dava salması xəbərini sport7.az yayıb.
