Azərbaycan Premyer Liqasının 2016/2017 mövsümü gələn ilin mayınadək başa çata bilər. Sportnet.az-ın məlumatına görə, buna səbəb Bakıda IV İslam Həmrəyliyi Oyunlarının keçirilməsidir.
12-22 mayda baş tutacaq Oyunların proqramına futbol da daxil edilib. Azərbaycan təşkilatçı ölkə olduğu üçün yarışa birbaşa qatılacaq. Milli komandanın daha yaxşı hazırlığı məqsədilə və stadionların həmin vaxt Təşkilat Komitəsinin ixtiyarında olacağı səbəbindən mövsümü daha erkən başa vurmaq lazım gələcək.
Yekun qərar Təşkilat Komitəsinin mövqeyi öyrənildikdən sonra veriləcək.
Qeyd edək ki, bunadək Premyer Liqa mövsümü may ayının sonlarında başa çatıb.
