FİFA-ya üzv ölkələrin sayı 211-ə çatıb. Sportnet.az-ın məlumatına görə, Kosova və Cəbəllütariq Futbol Federasiyaları ali futbol qurumuna üzv qəbul olunub.
Bu, FİFA-nın Meksikada keçirilən Konqresində baş verib. Kosova 81%, Cəbəllütariq isə 93% səs yığıb.
Bu yaxınlarda Kosova Futbol Federasiyası UEFA-ya da üzv qəbul olunduğundan, 2018-ci il dünya çempionatının seçmə qrup mərhələsində təmsil oluna biləcək. Cəbəllütariq Futbol Federasiyası isə 2013-cü ildən Avropa futbol qurumunun üzvüdür.
