Türkiyənin "Antalyaspor" klubunun futbolçusu Samuel Eto maraqlı açıqlama verib. Sportnet.az-ın məlumatına görə, kamerunlu futbolçu türkiyə prezidenti Rəcəp Tayyip Ərdoğanla futbol oynamaq istədiyini deyib.
Eto Ərdoğanla futbol oynamağın onun üçün böyük və sürpriz hədiyyə olacağını bildirib: "Mənə Türkiyə prezidentinin yaxşı futbolçu olduğu deyilib. Ümid edirəm bir neçə dəqiqə də bizimlə oynayar. Dünyanın ən böyük futbolçuları ilə oynadım, amma Ərdoğanla da futbolda qarşılaşmaq istərdim".
Qeyd edək ki, iyulun 16-da Etonun xeyriyyə cəmiyyəti "Antalya Arena"da Türkiyə və dünya yığması ilə xüsusi matç təşkil edib.
