
17 yaşadək futbolçular arasında Bakıda keçirilən Avropa çempionatının ilk yarımfinalçısı müəyyənləşib. Sportnet.az-ın məlumatına görə, Portuqaliya yığması Avstriya üzərində böyük hesablı qələbə qazanıb.
Qarşılaşma portuqalların 5:0 hesablı qələbəsi ilə yekunlaşıb. Joze Qomeşin het-trik etdiyi oyunda Mesake Dju və Migel Luis hərəyə bir dəfə fərqlənib.
Portuqaliya yığmasının yarımfinaldakı rəqibi İsveç - Hollandiya matçının qalibi olacaq.
Qeyd edək ki, Portuqaliya qrup mərhələsində Azərbaycanla birgə mübarizə aparıb. Komanda A qrupunun lideri kimi 1/4 finala yüksəlib.