"Qəbələ” İdman Klubu futbolçu Ermin Zetslə yollarını ayırıb. Sportnet.az-ın məlumatına görə, klub bosniya və herseqovinalı futbolçuya qırmızı-qara” forma ilə keçirdiyi oyunlara və qazanılan qələbələrdəki payına görə təşəkkür edib, gələcək karyerasında yeni-yeni uğurlar arzulayıb.
Qeyd edək ki, Ermin Zets 2015-ci ilin iyulundan "Qəbələ”də çıxış edib. O, 36 oyuna 10 qol vurub. 28 yaşlı legioner Premyer Liqada 23 oyunda 7, Azərbaycan kubokunda 4 oyunda 3 qol vurub, Avropa Liqasında 9 matçda forma geyinib. Zets komanda ilə Azərbaycan Premyer Liqasının bürünc mükafatçısı olub.
