"Qəbələ” rəhbərliyi qapıçısı Dmitri Bezotosnı ilə müqavilə müddətini uzadıb. Sportnet.az-ın klubun rəsmi saytına istinadən verdiyi məlumata görə, ukraynalı qolkiperlə yeni anlaşma daha bir il müddətinə nəzərdə tutulub.
Əvvəlki müqaviləsi artıq başa çatan 32 yaşlı qolkiperlə 2016-2017 mövsümünün sonunadək anlaşma əldə edilib.
Qeyd edək ki, 2015-ci ilin əvvəlindən "Qəbələ”nin şərəfini qoruyan Bezotosnı 2014-2015 və 2015-2016 mövsümlərində Premyer Liqanın bürünc mükafatını qazanıb. O, "qırmızı-qaralar”ın heyətində keçirdiyi 61 matçda 41 qol buraxıb. Ukraynalı qapıçı Premyer Liqada 43 oyunda 23, Azərbaycan kubokunda 6 matçda 7, Avropa Liqasında 12 qarşılaşmada 11 dəfə qapısında qol görüb. Bezotosnı 2015-2016 mövsümündə Premyer Liqada ən çox "quru” oyun keçirən qapıçıdır. O, meydana çıxdığı 28 matçın 18-də qapısını toxunulmaz saxlayıb.
