Gəncənin "Kəpəz" klubu Juninyo ilə yollarını ayırmasına dair xəbərlər yayılıb. Sportnet.az-ın məlumatına görə, bu barədə komanda fanatlarına məxsus səhifələr yazıb.
Onlar braziliyalı yarımmüdafiəçinin şəxsi "İnstagram"ında yazdığına əsasən, belə qənaətə gəliblər. Təcrübəli futbolçu azərbaycanca və öz portuqalca yazıb: "Çox sağ olun, "Kəpəz" fanatları. Təşəkkürlər dəstəyiniz üçün. Allah bütün "Kəpəz"sevərləri qorusun".
Qeyd edək ki, Junior Osvaldo "Kəpəz"də mövsümün əvvəlindən çıxış edib. 34 yaşlı orta xətt oyunçusu 34 oyuna 6 qol vurub. O, əvvəllər "Xəzər Lənkəran" və "Bakı"nın da formasını geyinib.
