"Kəpəz” yollarını ayırdığı futbolçuların adlarını rəsmən açıqlayıb. Sportnet.az-ın məlumatına görə, Gəncə klubundan 1-i legioner olmaqla 6 oyunçu ayrılıb.
Bunlar Namiq Ələsgərov, Tərlan Quliyev, Elvin Cəbrayıllı, Xəzər Qəribov, Bəxtiyar Soltanovvə Junior Osvaldodur. İlk 2 futbolçunun icarə müqaviləsi, digərlərinin anlaşması bitib. "Kəpəz" gedən bütün futbolçulara ötən mövsüm göstərdiyi oyuna görə minnətdarlıq edib, onlara karyerasının gələcək hissəsində uğurlar arzulayır.
Baş məşqçi Şahin Diniyevin təqdimatına əsasən 11 oyunçu ilə müqavilə müddəti artılıb. Onlardan 2-si əcnəbi, digərləri yerlilərdir. Bütün futbolçularla yeni bir illik anlaşma imzalanıb. Müqaviləsi uzadılanlar Eyyub Əliyev, Tadas Simaitis, Tural Axundov, Tural Nərimanov, Azad Kərimov, Şəhriyar Rəhimov, Orxan Əliyev, Ceyhun Cavadov, Kərim Diniyev, Tural Rzayev və Julien Ebah.
"Qarabağ”dan icarə əsasında çıxış etmiş Şəhriyar Əliyevin icarə müddəti daha bir illiyinə uzadılıb.
Qeyd edək ki, bu futbolçulardan əlavə hələ ötən mövsümün gedişində Dario Frederiko ilə müqavilə yenilənmişdi.
