Gəncənin "Kəpəz" klubu 5 yeni futbolçu ilə müqavilə imzalayıb. Sportnet.az-ın məlumatına görə, "Rəvan"dan Novruz Məmmədov, "Xəzər Lənkəran"dan Vüqar Bəybalayev və Tural Qürbətov, "Zirə"dən Nicat Qurbanov və "Ağsu"dan Davud Kərimi bundan sonra "sarı-göylər"də çıxış edəcək.
Bundan başqa 11 oyunçu ilə müqavilə müddəti artırılıb. Qapıçı Tadas Simaitis, müdafiəçilər Eyyub Əliyev, Tural Axundov, Tural Nərimanov, Azad Kərimov, yarımmüdafiəçilər Şəhriyar Rəhimov, Orxan Əliyev, Ceyhun Cavadov, Kərim Diniyev, hücumçular Tural Rzayev və Julien Ebahla müqavilələr yenilənib.
Qeyd edək ki, adı çəkilən bütün futbolçularla bir illik müqaviləyə qol çəkilib. Bu futbolçulardan əlavə ötən mövsümün gedişində Dario Frederiko ilə müqavilə yenilənib.
