"Kəpəz" klubu heyətini daha iki futbolçu ilə gücləndirəcək. Bu barədə Sportnet.az-a komandanın baş məşqçisi Şahin Diniyev məlumat verib.
Onun sözlərinə görə, hər iki futbolçu əcnəbi olacaq: "İki əcnəbi futbolçunun axtarışı davam edir. Futbolçuların oyunlarının icmallarını yox, bütün oyunlarını izləyirəm. Bizə elə futbolçu lazımdır ki, baxışa yox, birbaşa oyuna gəlməyə hazır olsun. Bəzi futbolçular var ki, mənim xoşuma gəlmir. Bəziləri yaxşıdır, amma büdcə uyğun deyil. Ona görə də elə seçim etməliyik ki, həm büdcəyə uyğun olsun, həm də komandaya xeyir versin. Futbolçulardan biri müdafiəçi, biri isə yarımmüdafiəçi olacaq".
Qeyd edək ki, "Kəpəz" "Rəvan"dan Novruz Məmmədov, "Xəzər Lənkəran"dan Vüqar Bəybalayev və Tural Qürbətov, "Zirə"dən Nicat Qurbanov və "Ağsu"dan Davud Kərimi ilə 1 illik müqavilə imzalayıb. Üstəlik klub 11 futbolçu ilə müqavilə müddətini artırıb.
