Fransa yığmasının baş məşqçisi Didye Deşam AVRO-2016-nın açılış matçında Rumıniya üzərində qazandıqları 2:1 hesablı qələbəni şərh edib. Sportnet.az-ın məlumatına görə, təcrübəli mütəxəssis qələbə qazandıqları üçün şad olduğunu söyləyib.
O deyib ki, Rumıniyaya qarşı oynamağın çətinliyini əvvəldən də biliblər. Rəqibin çoxlu səhv buraxmasına rəğmən, yaxşı müdafiə olunduğunu vurğulayan Deşam sonda etdiyi əvəzləmələrə də diqqət çəkib: "Hesabı artırmaq üçün şanslarımız var idi. Lakin ikinci hissədə tez qol buraxdıq. Oyunçularıma qələbə üçün çıxış etdiklərimi izah etdim və hücumdakı oyunçuların sayını 4-ə çatdırdım. Açılış oyunu ətrafındakı ajiotajı nəzərə alaraq, matçın çətin keçdiyini deyə bilərəm".
Qeyd edək ki, Fransa yığması qələbə topunu 89-cu dəqiqədə vurub.
