İngiltərənin "Mançester Siti" klubunun yeni baş məşqçisi Xosep Qvardiola "Barselona"da çıxış edən Lionel Messinin "şəhərlilər"ə keçəcəyi ilə bağlı yayılan məlumatlara münasibət bildirib. Sportnet.az-ın məlumatına görə, ispaniyalı baş məşqçi argentinalının Kataloniya klubunda qalmağa məcbur olduğunu deyib.
45 yaşlı mütəxəssis bunları bildirib: "Təəssüf edirəm, amma Messi karyerasının sonuna qədər "Barselona"da qalmaq məcburiyyətindədir. "Mançester Siti"də keyfiyyətli, yaxşı futbolçular var. Ancaq onlar bunu həm mənə, həm də azarkeşlərə nümayiş etdirməlidirlər".
Qeyd edək ki, son mövsümü "Bavariya"da keçirən Pep qarşıdakı 3 mövsümü Mançester təmsilçisinin uğurları üçün çalışacaq.
