Türkiyənin Bolu bölgəsində təlim-məşq toplanışında olan Bakı "İnter"inin daha iki rəqibi müəyyənləşib. Sportnet.az-ın klubun rəsmi saytına istinadən məlumatına görə, "bankirlər" iyulun 24-də yerli "Gənclərbirliyi" ilə üz-üzə gələcək.
Növbəti gün "İnter" Gürcüstan "Kolxeti"si ilə qarşılaşacaq. Hər iki oyunun vaxtı barədə məlumat veriləcək.
Qeyd edək ki, "İnter" iyulun 22-də "Elazığspor"la qarşılaşacaq. Oyun Bakı vaxtı ilə saat 19:00-da başlanacaq. Daha öncə paytaxt klubu "Karşıyaka"ya qalib gəlib - 2:1. "Bankirlər" Vətənə iyulun 26-da qayıdacaq.
