Azərbaycan Çempionlar Liqasının (ÇL) III təsnifat mərhələsində 5-ci dəfə təmsil olunacaq. Sportnet.az-ın məlumatına görə, "Qarabağ" Avropanın ən nüfuzlu klub turnirində ardıcıl 3-cü mövsümdə iştirak edərək bu mərhələyə çıxır. Qurban Qurbanovun komandası bu dəfə Çexiyanın "Viktoriya" klubuna rəqib olub. Komandalar arasında ilk matç bu gün Plzen şəhərində keçiriləcək.
Klublarımız III təsnifat mərhələsində əvvəlki 4 cəhdində cütün qalib olmadığından, pley-offa vəsiqə qazana bilməyib. Bu mərhələdə keçirdiyimiz 8 oyunun yalnız 1-də qalib gəlmişik. Bu da "Qarabağ"ın 2 il öncə III təsnifat mərhələsində debütündə reallaşıb. Onda Ağdam təmsilçisi Avstriya "Zalsburq"unu evdə 2:1 hesabı ilə məğlub edib. Bu mərhələdə ilk oyunlarımızda vurulan qollar yalnız həmin matça təsadüf edir. Düzdür, birdən-birə 2 futbolçumuzun - albaniyalı müdafiəçi Admir Teli ilə braziliyalı hücumçu Reynaldo Silvanın meydandan qovulması da onda baş verib. Teli 2-ci sarı, qələbə topunun müəllifi olan Reynaldo isə birbaşa qırmızı vərəqəyə görə oyunu baxtından əvvəl tərk etməli olub.
Ölkəmizin ÇL-in III təsnifat mərhələsində debütü də Tofiq Bəhramov adına Respublika stadionunda olub və məğlub olmamışıq. Bu, 7 il öncə "Bakı"nın Sofiya "Levski"si ilə qolsuz bərabərliyə qaldığ matçdır. Həmin mərhələdə 2-ci ilk oyunumuz ən uğursuz olub. Bu, "Neftçi"nin 4 il öncə İsrailda "Hapoel"ə 0:4 hesabı ilə uduzduğu matçdır.
"Qarabağ" ötən il III təsnifat mərhələsində mübarizəyə Şotlandiyada başlayıb. Ağdamlılar "Seltik"lə Qlazqodakı matçın sonuna yaxın buraxdığı qolla məğlub olub - 0:1.
Qeyd edək ki, "Viktoriya" - "Qarabağ" matçı III təsnifat mərhələsində ən tez oyunumuz kimi tarixə düşəcək. Bunadək keçirilən ilk matçlardan ən erkəni iyulun 28-də olub.
Klublarımızın ÇL-in III təsnifat mərhələsində start oyunları
2009/10 mövsümü
28 iyul
"Bakı" - "Levski" (Bolqarıstan) - 0:0
2012/13 mövsümü
31 iyul
"Hapoel" (Kiryat Şmona, İsrail) - "Neftçi" - 4:0
2014/15 mövsümü
30 iyul
"Qarabağ" - "Zalsburq" (Avstriya) - 2:1
Qollar: Danlo Dias, 2, Reynaldo Silva, 86
2015/16 mövsümü
29 iyul
"Seltik" (Şotlandiya) - "Neftçi" - 1:0
Mehman Süleymanov
Yazı AFFA-nın Media Komitəsinin dəstəyi ilə hazırlanıb
