İtaliyanın "Yuventus" klubu Argentina milli komandasının hücumçusu Qonsalo İquaini transfer etdiyini rəsmən açıqlayıb. Sportnet.az-ın məlumatına görə, "Qoca Sinyori" rəsmi saytında "Napoli"dən aldığı 27 yaşlı futbolçunun keçidinin detallarını açıqlayıb.
Məlum olub ki, turinlilər bu transferə görə 90 milyon avro xərcə düşüblər. Onlar bu məbləği Neapol klubuna 2 il ərzində ödəyəcəklər. İquainlə müqavilə 5 illik nzəərdə tutulub.
Bununla da İquain dünya futboliu tarixində 3-cü bahalı transfer olub. Ən bahalı futbolçular isə "Real"da komanda yoldaşı olan uelsli Qaret Beyllə (101 milyon avro) Kriştianu Ronaldudur (94 milyon avro). Qonsalo bütün transfer məbləğlərinə görə də 3-cü olub. Karyerası ərzində ondan daha çox həmyerlisi Anhel Di Mariyaya (179 milyon avro) və isveçli Zlatan İbrahimoviçə (169,1 milyon avro) ödənilib.
Xatırladaq ki, İquain ötən mövsüm A seriyasında 35 oyunda 36 qol vurub.
