Çimərlik futbolu üzrə Azərbaycan milli komandası Macarıstanın Siofok şəhərində keçiriləcək Avropa Liqasının seçmə mərhələsində çıxış edəcək. Sportnet.az-ın məlumatına görə, avqustun 9-dan 15-dək davam edəcək seçmə mərhələdə millimiz 3 oyun keçirəcək.
Baş məşqçi Zeynal Zeynalov oyunlarda 12 futbolçunu dəvət edib. Bunlar Vaqif Şirinbəyov, Elçin Qasımov, Renat Sultanov, Elvin Quliyev, Amid Nəzərov, Orxan Məmmədov, İlkin Hacıyev, Asif Zeynalov, Ramil Əliyev, Sabir Allahquliyev, Əbdül Əliyev və Hikmət Bağırovdur.
Oyunların təqvimi
12 avqust
14:15. Azərbaycan – Bolqarıstan
13 avqust
14:15. Azərbaycan – Danimarka
14 avqust
19:00. Macarıstan – Azərbaycan
