Nigeriyanın olimpiya yığması futbol turnirində qrup mərhələsinin ilk turunda meydana çıxmaya bilər. Sportnet.az-ın məlumatına görə, buna səbəb nigeriyalıların Braziliyaya vaxtında çata bilməmək riski ilə bağlıdır.
Nigeriya "Rio-2016"da ilk görüşündə avqustun 4-də Yaponiya ilə oynamalıdır. Komanda Atlantadakı hava limanında çarter reysinə pul ödənilmədiyinə görə yubanır. Bildirilir ki, Nigeriya Futbol Federasiyası səhvən reysin pulunu köçürməyib.
Millinin futbolçularından biri söyləyib ki, qarşıdakı saatlarda uçuşun olacağı söylənilsə də, bunu hələ ötən həftədən eşitdiklərindən inanmırlar.
