Çempionlar Liqasının III təsnifat mərhələsində "Qarabağ"ın rəqibi olan Avstriyanın "Zalsburq" klubu ölkə çempionatında "Noyştadt"ın qonağı olub. Sportnet.az-ın xəbərinə görə, qonaqlar səfər görüşündən 5:0 hesablı qələbə ilə ayrılıb.
Matçın 40-cı dəqiqəsində Sadio Mane komandasını azlıqda qoysa da, azlıqda oynamaq "Zalsburq" üçün problem yaratmayıb. Oyunun 15-ci dəqiqəsində hesabı açan qonaqlar 74-cü dəqiqədə son nöqtəni qoyub. "Noyştadt"ın futbolçusu Manninin cərimə meydançasında kobudluğu qırmızı vərəqə ilə cəzalandırılıb və meydan sahiblərinin qapısına penalti təyin edilib. Conatan Soriano matçda son nöqtəni qoyub - 0:5. 5 qolluq oyunda Soriano 2, Kristian Şveqler, Marsel Sabitser və Kevin Kampl hərəyə 1 dəfə fərqlənib.
Qeyd edək ki, 2 oyuna rəqib qapısından 11 top keçirən və 1 top buraxan "Zalsburq" 6 xalla ilk pillədə qərarlaşıb.
