Azərbaycan UEFA-nın klub reytinqində xal ehtiyatını artırmaqda davam edir. Sportnet.az-ın məlumatına görə, ölkəmiz "Qəbələ"nin Avropa Liqasının III təsnifat mərhələsi çərçivəsində Fransanın "Lill” klubuna evdə 1:0 hesab gəlməsi sayəsində əlavə 0.250 xal qazanıb.
Bununla da Azərbaycan xal ehtiyatını 16.000-a çatdırıb və əvvəlki kimi 24-cü pillədə qərarlaşıb. "Qəbələ" isə bu mövsüm ölkəmizə ən çox xal qazandıran klubumuz olaraq liderliyinini davam etdirir. Roman Qriqorçukun komandasının xalı artıq 1-i keçib. İndi "qırmızı-qaralar"ın hesabında 1,125 xal var. "Qarabağ” ölkəmizə 0.625, "Kəpəz”lə "Neftçi” isə 0.375 xal qazandırıb. Yekunda Azərbaycan cari mövsüm 2.500 xal qazanıb.
Xatırladaq ki, "Qəbələ" Avropa Liqasında bu mövsüm keçirdiyi 6 oyundan 4-də qalib gəlib, 1-də heç-heçə edib, 1-də uduzub.
