Bu gün futbol üzrə Azərbaycan millisi DÇ-2018-in seçmə mərhələsində ilk oyununu keçirib. Sportnet.az-ın məlumatına görə, milli komandanın rəqibi San Marino yığması olub.
San Marinoda yerləşən Olimpiya Stadionunda keçirilən matça Robert Prosineçkinin rəhbərlik etdiyi komanda üstün başlayıb. İlk dəqiqələrdən hücuma atılan milli bir neçə təhlükəli qol epizodları yaratsa da, bundan yararlana bilməyib. Azərbaycan millisi istəyinə matçın 45-ci dəqiqəsində çatıb. Ruslan Qurbanov meydan sahiblərini məyus etməyi bacarıb - 1:0. Qolun ardından ilk hissə başa çatıb.
İkinci hissədə də millinin aktivliyi açıq-aşkar görünüb. İkinci hissənin ilk dəqiqələrində təzyiqi artıran qonaqlara qarşı kobud oyun San Marinonun futbolçusu Kristian Brolli 52-ci dəqiqə qırmızı vərəqə alaraq meydandan qovulub. Bundan sonra azlıqda qalan meydan sahiblərinin tək-tük hücumlarının sayı daha da azalıb. Qalan dəqiqələrdə milli komanda təhlükəli hücumlar
Bununla milli komanda tarixində ikinci dəfə seçmə tsiklə qələbə ilə başlayıb. İlk qələbə DÇ-2010-un seçmə tsiklində Lixtenşteynlə oyunda qələbə qeydə alınıb - 2:0.
Qeyd edək ki, San Marino ilə oyun zamanı tribunaların boş qalması da diqqətdən qaçmayıb. 90 dəqiqə ərzində azsaylı azərbaycanlı azarkeşlərin səsi meydan sahiblərinin tərəfdarlarından daha gur olub.
Milliyə toplanışa dəvət olunmuş Ramil Şeydayev və Emin Mahmudov ilk dəfə bu matçda debüt edib. Şeydayev Ağabala Ramazanovu, Mahmudov isə Dmitri Nazarovu əvəzləyib. Görüşü AFFA prezidenti Rövnəq Abdullayev də izləyib.
DÇ-2018, Seçmə mərhələ
C qrupu
I tur
20:00. San Marino - Azərbaycan - 0:1
Qol: Ruslan Qurbanov, 45
Qırmızı vərəqə: Brolli, 52 (San Marino)
Baş hakim: Sebastyan Delferye
Yan xətt hakimləri: İv de Nev, Jo de Vayrdt
Dördüncü hakim: Aleksandru Bukot (hamısı Belçika)
Hakim-inspektor: Emil Bojinovski (Makedoniya)
UEFA nümayəndəsi: Luka Zorzi (İsveçrə)
Serravalle, Olimpiya stadionu
Azərbaycan millisinin mübarizə apardığı C qrupunda bu gün daha iki oyun keçiriləcək. Çexiya evdə Şimali İrlandiya ilə qarşılaşacaq. Almaniya yığması isə Norveçin qonağı olacaq.
