Bu gün 2018-ci il dünya çempionatının seçmə mırhələsinin (DÇ-2018) Avropa zonasında ilk tura yekun vurulub. Sportnet.az-ın məlumatına görə, son 3 qrup A, B və H qrupunun qarşılaşmalarıdır.
Günün ilk matçı dünən güclü yağış üzündən yarımçıq dayandırılan Albaniya - Makedoniya qarşılaşması olub. Son 14 dəqiqə oynanılıb və albanlar həmin zaman kəsiyində qələbə topunu vura biliblər. "Qarabağ"la "Neftçi"nin müdafiəçiləri Ansi Aqolli və Vançe Şikov start heyətində meydana çıxaraq yenə rəqib olublar.
Günün əsas sensasiyası Belarusda olub. Meydan sahibləri AVRO-2016-nın finalçısı olan Fransadan 1 xal ala biliblər. AVRO-2016-nın qalibi olan Portuqlaiya millisi üçün startdakı səfər matçı daha uğursuz alınıb. Belə ki, zədə üzündən kapitanı Kriştianu Ronaldunun xidmətindən yararlana bilməyən Avropa çempionları İsveçrəyə ilk hissədə buraxdığı 2 qolla uduzub.
"Qəbələ"nin estoniyalı hücumçusu Sergey Zenyovun şərəfini qoruduğu milli komanda startda səfərdə darmadağın olunub. Bosniya və Herseqovina estonların qapısına 5 cavabsız qol keçirib. Əsas heyətdə meydana daxil olan Zenyov 71-ci dəqiqədə əvəzlənib. "Qarabağ"ın bosniyalı qapıçısı İbrahim Şehiç isə ehtiyatda qalıb.
Günün mərkəzi oyunu sayılan İsveç - Holandiya matçında qalib müəyyənləşməyib. Ən məhsuldar oyun isə Bolqarıstanda olub ki, meydan sahibləri 7 qolun qeydə alındığı autsayder Lüksemburqla qarşılaşmada qələbə topunu uzatma dəqiqələrində vurmağa müvəffəq olublar.
DÇ-2018-in seçmə mərhələ oyunları
6 sentyabr
G qrupu
16:00. Albaniya - Makedoniya - 2:1
Qollar: Armando Sadiku, 8, Bekim Balay, 89 - Egzijan Alioski, 51
A qrupu
22:45. Belarus - Fransa - 0:0
22:45. Bolqarıstan - Lüksemburq - 4:3
Qollar: Dimitar Rangelov, 16, Marselinyo, 65, İvelin Popov, 79, Aleksandar Tonev, 90+2 - Aurelien Yoahim, 60, 62, Florian Bohnert, 90+1
22:45. İsveç - Hollandiya - 1:1
Qollar: Markus Berq, 43 - Uesli Sneyder, 67
B qrupu
22:45. Andorra - Latviya - 0:1
Qol: Valeri Sabala, 48
22:45. Farer adaları - Macarıstan - 0:0
22:45. İsveçrə - Portuqaliya - 2:0
Qollar: Breel Embolo, 24, Admir Mehmedi, 30
Qırmızı vərəqə: Qranit Djaka, 90+3 (İsveçrə, ikinci sarı)
H qrupu
22:45. Bosniya və Herseqovina - Estoniya - 5:0
Qollar: Emir Spahiç, 7, 90+2, Edin Dzeko, 23-pen, Haris Medunyanin, 71, Vedran İbişeviç, 83
22:45. Cəbəlütariq - Yunanıstan - 1:4
Qollar: Liam Uolker, 26 Konstantinos Mitroğlu, 10, Skott Viseman, 44-öz qapısına, Konstantinos Fortunis, 45, Vassilios Torosidis, 45+2
22:45. Kipr - Belçika - 0:3
Qollar: Romelu Lukaku, 13, 61, Yannik Karrasko, 81
