Azərbaycan teleməkanının populyar futbol verilişi "TOP-TOP" sentyabrın 6-da növbəti dəfə efirə gedib. Sportnet.az-ın məlumatına görə, aparıcı Araz Əhmədovla bərabər bu dəfə müzakirəyə qatılanlar "Kəpəz” klubunun baş məşqçisi Şahin Diniyev, "Qaynarinfo.az” saytının əməkdaşı Səbuhi Tofiqoğlu və "Report” İnformasiya Agentliyinin müxbiri Rövşən Əhlimanoğlu olub.
Verilişdə yığmamızın San-Marino üzərində qazandığı minimal hesablı qələbəsi müzakirə edilib. Qonaqlar, həmçinin ölkə çempionatında yaranan fasilə, "Neftçi”də baş verən olaylar haqqında fikir bildirib. "Kəpəz”in çalışdırıcısı Şahin Diniyev klubla bağlı bir çox məqamlara aydınlıq gətirib.
Qeyd edək ki, "TOP-TOP" proqramı hər həftənin çərşənbə axşamı saat 18:00-da "MYVİDEO" kanalında canlı yayımda efirə gedir. "MYVİDEO" kanalı KATV kabel televiziyası və internet vasitəsilə yayımlanır.
