UEFA Gənclər Liqasında Azərbaycanı təmsil edəcək "Qəbələ"nin U-19 komandasının Çempionlar yolunun I mərhələsində keçirəcəyi oyunların vaxtı dəqiqləşib. Sportnet.az-ın məlumatına görə, Rusiyanın "Dinamo” (Moskva) klubu ilə ilk qarşılaşma sentyabrın 21-də keçiriləcək.
Bu iə o deməkdir ki, öncədən ayın 28-nə planlaşdırılan matçın vaxtı dəyişdirilib və 1 həftə əvvəl baş tutacaq. Görüş Qəbələ şəhər stadionunda saat 19:00-da keçiriləcək.
Komandalar arasında cavab oyunu oktyabrın 19-da baş tutacaq. Qarşılaşma Ximkidəki "Rodina” stadionunda keçiriləcək. Oyun Bakı vaxtı ilə saat 19:00-da start götürəcək.
