Avropa çempionatının seçmə mərhələsi çərçivəsində Farer adaları komandası ilə qarşılaşma üçün U-21 yığmasının heyətində olan Orxan Əliyev "Kəpəz"in düşərgəsinə qatılıb. Sportnet.az-ın klub saytına istinadən məlumatına görə, yığmanın oyunundan sonra bir gün istirahət edən futbolçu "sarı-göylər"in dünən və bu günə olan məşqlərində iştirak edib.
Artıq Gəncə təmsilçisi "Zirə" ilə oyununun Bakıdakı hazırlığını başa vurub. Komanda sabah Gəncəyə yola düşəcək. Baş məşqçi Şahin Diniyev oyunöncəsi son məşqini sabah saat 17:00-da keçəcək.
Qeyd edək ki, sentyabrın 11-də Gəncə şəhər Stadionunda keçiriləcək "Kəpəz" - "Zirə" oyunu saat 16:00-da başlayacaq.
