Sabah Azərbaycan Premyer Liqasında V tura start veriləcək. Sportnet.az-ın məlumatına görə, bu dəfə matçlar bazar və bazar ertəsinə günlərinə bərabər sayda bölüşdürülüb.
Tura Sumqayıtda start veriləcək. "Kapital Bank Arena"da turnir cədvəlində qonşu olan "Sumqayıt"la "Kəpəz"in dueli olacaq. Samir Abasovun komandası rəqibindən xal baxımından geridə olsa da, 1 oyunu ehtiyatda olduğundan potensial ondan öndədir. "Sumqayıt" çempionata qələbə ilə başlasa da, bundan sonra ona həsrətdir. "Kəpəz" isə ilk qələbəsini yalnız ötən tur qazana bilib. Sumqayıtlılar cari mövsümdə öz, gəncəlilər isə rəqib meydanında ilk qələbəsini qazanmağa çalışacaq.
Bu matdan onra nəinki günün, turun ən maraqlı matçlarından biri keçiriləcək. Bu, eyni zamanda turun yeganə Bakı derbisi olan "İnter" - "Neftçi" qarşılaşmasıdır. "Ağ-qaralar" ötən tur "Qəbələ"yə milli çempionatlarımız tarixində ən ağır məğlubiyyətdən (0:8) sonra ilk matçına çıxacaq. Özü də yeni baş məşqçi Elxan Abdullayevin rəhbərliyi altında. 46 yaşlı mütəxəssis vaxtilə "İnter"də çempionluq da qazandığından, ona yaxşı tanış komanda ilə üzləşəcək. Millimizin üzvü Ruslan Abışov yetirməsi olduğu "Neftçi"yə qarşı bu dəfə "İnter"in futbolçusu kimi oynayacaq.
Potensil lider olan "Qəbələ" cari mövsümdə ilk dəfə doğma məkanda oynayacaq. Bu çempionatda Qəbələyə gələn ilk rəqib autsayder AZAL-dır. Tərlan Əhmədovun yetirmələri qələbəsi olmayan yeganə komandadır. Ancaq onu da nəzərə alaq ki, "Qəbələ" AZAL-la şəxsi oyunlarda duellərdə geridədir.
Turun daha bir maraqlı oyunu "Əlincə Arena"da olacaq. Hələ ki bu stadiona rəqiblərini qəbul etməli ola "Qarabağ" indi "Zirə"ni qonaq edəcək. Bu, ötən çempionatının ən güclülərinin - qızıl və gümüş medalçıların görüşü olacaq. "Zirə" cari çempionatda artıq "Əlincə Arena"da qonaq olaraq "Neftçi"ni 1:0 hesabı ilə məğlub edib. Özü də bu, Adil Şükürovun komandasının cari çempionatda ilk qələbəsi olub.
18 sentyabr (bazar)
18:00. "Sumqayıt” – "Kəpəz”
Hakimlər: Rəhim Həsənov, Namiq Hüseynov, Nahid Əliyev, Rahil Ramazanov
Əlavə köməkçi hakimlər: Rauf Cabbarov, İnqilab Məmmədov
AFFA nümayəndəsi: Elbrus Abbasov
Hakim-inspektor: Kərim Ağayev
Sumqayıt. "Kapital Bank Arena” stadionu
20:00. "İnter” – "Neftçi”
Hakimlər: Fariz Yusifov, Vaqif Musayev, Akif Əmirəli, Elman Musayev
Əlavə köməkçi hakimlər: Əliyar Ağayev, Orxan Məmmədov
AFFA nümayəndəsi: Ramiz Mustafayev
Hakim-inspektor: Əli Hüseynov
Bakı. "İnter Arena” stadionu
19 sentyabr (bazar ertəsi)
18:00. "Qəbələ” – AZAL
Hakimlər: İnqilab Məmmədov, Vüqar Bayramov, Vüsal Qənbərov, Rza Məmmədov
Əlavə köməkçi hakimlər: Əliyar Ağayev, Orxan Məmmədov
AFFA nümayəndəsi: Ramiz Abdullayev
Hakim-inspektor: Əhmədağa Cabbarov
Qəbələ. Şəhər stadionu, 18:00
20:00. "Qarabağ” – "Zirə”
Hakimlər: Rauf Cabbarov, Mübariz Haşımov, Knyaz Əmiraslanov, Zeynal Zeynalov
Əlavə köməkçi hakimlər: Rəhim Həsənov, Ömər Paşayev
AFFA nümayəndəsi: Rauf Əmirov
Hakim-inspektor: Rövşən Əhmədov
Bakı. "Əlincə Arena” stadionu
