Azərbaycan futzal yığması Kolumbiyada keçirilən dünya çempionatının final mərhələsində bu gecə qrupda sonuncu oyununa çıxıb. Sportnet.az-ın məlumatına görə, millimiz Asiyanın ən güclülərindən olan İran yığması ilə qarşılaşıb və matç 3:3 hesabı ilə başa çatıb.
Bu nəticədən sonra millimiz 4 xalla qrup 2-cisi olub və növbəti mərhələdə Tailand millisi ilə qarşılaşacaq.
Xatırladaq ki, bu, futzalçılarımızın dünya çempionatının final mərhələsində debütüdür. Həlledici mərhələdə 6 qrupda ilk 2 yeri tutan yığmalarla yanaşı, 3-cü pillənin sahibləri arasında 4 ən yaxşı komanda da 1/8 finala çıxır.
Dünya çempionatı
Qrup mərhələsi III tur
19 sentyabr
03:00.
Azərbaycan – İran 3:3
Qollar: Ahmed Esmailpur (0:1), Tiaqo Bolinha (1:1), Farhad Tavakoli (1:2), Qallo (2:2), Qallo (3:2), Tayebi (3:3)
Hakimlər: Sezar Malaqa (Peru), Kristofer Sinkleyir (Yeni Zelandiya), Alessandro Malfer (İtaliya)
Medelin. "Coliseo İvan de Bedout
| Komanda | O | Q | B | M | V.Q | B.Q | TF | Xal |
| İspaniya | 2 | 3 | 0 | 0 | 13 | 6 | 7 | 9 |
| Azərbaycan | 2 | 1 | 1 | 1 | 10 | 7 | 3 | 4 |
| İran | 2 | 1 | 1 | 1 | 9 | 11 | -2 | 4 |
| Mərakeş | 2 | 9 | 0 | 3 | 6 | 14 | -8 | 0 |
