"Neftçi"nin sabiq kapitanı Rail Məlikov klubun keçmiş vitse-prezidenti Tahir Süleymanov barədə açıqlamalarından sonra onun özü ilə görüşüb.
Bu barədə Sportnet.az-a təcrübəli müdafiəçinin özü açıqlama verib.
O, saytımıza müəyyən qüvvələrin yanlış məlumatları əsasında müsahibə verdiyini bildirib: "Tahir müəllimin özü ilə görüşüb söhbətləşdik. Mənə müəyyən qüvvələr yanlış məlumatlar verib. Nəticədə bir-birimizi düzgün başa düşməmişik. Ona görə də belə açıqlama vermişəm. Süleymanovla görüşəndə hər şeyə aydınlıq gətirdik. Bununla məsələyə nöqtə qoymaq istəyirəm. Tahir Süleymanova gələcək fəaliyyətində uğurlar arzulayıram".
Qeyd edək ki, Rail Məlikov Sportnet.az-a müsahibəsində Tahir Süleymanovun "Neftçi"də çalışdığı dövrdə bir sıra qanunsuz əməllərə əl atdığını və belə bir şəxsin kluba qayıtmasını istəmədiyini söyləyib.
