"Fənərbağça"nın prezidenti Aziz Yıldırım Moussa Sov üçün edilən 12 milyon avroluq transfer təklifini rədd edib. Sportnet.az-ın türkiyə mətbuatına istinadən məlumatına görə, Fransanın "Monako" və BƏƏ-nin "Əl-Cəzirə" və "Əl Şabab" klubları seneqallı futbolçunu heyətində görmək istəyir.
Yıldırımın isə futbolçunu transfet etmək istəyən klublardan başqa gözləntiləri var. O, Sovla olan müqavilədə "17 milyon avro müqabilində ayrıla bilər" bəndinin olduğunu bildirib. Bu səbəbdən də məbləği aşağı olan təklifləri qəbul etməyəcəyini söyləyib.
