Azərbaycan milli komandası seçmə mərhələlərdə qoşa oyunlarda öz rekordunu təkrarlayıb. Sportnet.az-ın məlumatına görə, millimiz ardıcıl keçirilən son matçlarda 4 xal qazana bilib. Bunlar Norveç üzərində 1:0 hesablı, Çexiya ilə səfərdə qolsuz bərabərlikdir. Hərçənd, Robert Prosineçkinin komandası Ostravada qalib gəlsəydi, yeni rekorda imza atacaqdır.
İki oyuna 4 xal qazandığımız əvvəlki nəticələr almaniyalı sabiq baş məşqçi Berti Fqotsun vaxtında – 2010 və 2014-cü il dünya çempionatının seçmə mərhələlərinin sonunda, 2012-ci il Avropa çempionatının seçmə mərhələsinin axırına yaxın olub. Maraqlıdır ki, həmin vaxt da dünya çempionatının seçmə mərhələ matçları oktyabr ayına təsadüf edib. Onda da ilk matçda qalib gəlib, sonra heç-heçə etmişik. Fərq ondadır ki, bu dəfə bərabərliyə Rusiya ilə evdə yox, Çexiya ilə səfərdə nail olmuşuq.
Prosineçki millimizdə ilk seçmə mərhələsində 2 dəfə qoşa oyunların iştirakçısı olub. Bunlar sentyabrda Xorvatiya və Maltayla bərabərliklərlə (evdə 0:0, səfərdə 2:2), oktyabrda İtaliya və Bolqarıstana məğlubiyyətlərlə (evdə 1:3, səfərdə 0:2) nəticələnib. Yəni 47 yaşlı xorvatiyalı mütəxəssis bunadək ən yaxşı halda 2 xal toplamışdı. İndisə o, qoşa matçlarda 4 xallıq rekorda şərik olubsa, ilk 3 oyunda qazanılan 7 xalla mütləq rekordçu olub.
Prosineçkinin uğurunun çəkisi Foqtsunkundan ağır gəlir. Çünki millimiz bu dəfə ardıcıl oyunları 4 yox, 3 günə keçirib. Hər halda, futbolda 1 gün də önəmlidir.
Azərbaycan milli komandasının qoşa oyunlarda ən yaxşı nəticələri
2009-cu ilin oktyabrın 10-14-ü aralığında
Lixtenşteyn – Azərbaycan – 0:2
Qollar: Vaqif Cavadov, Elvin Məmmədov
Azərbaycan – Rusiya – 1:1
Qol: Vaqif Cavadov
2011-ci il 2-6 sentyabr aralığında
Azərbaycan – Belçika – 1:1
Qol: Rauf Əliyev
Azərbaycan – Qazaxıstan – 3:2
Qollar: Rauf Əliyev, Mahir Şükürov, pen, Vaqif Cavadov
2013-cü ilin oktyabrın 11-15-i aralığında
Azərbaycan – Şimali İrlandiya – 2:0
Qollar: Rüfət Dadaşov, Mahir Şükürov
Azərbaycan – Rusiya – 1:1
Qol: Vaqif Cavadov
2015-ci ilin 2-6 sentyabr aralığında
Azərbaycan – Xorvatiya – 0:0
Malta – Azərbaycan – 2:2
Qollar Rahid Əmirquliyev (2)
Mehman SÜLEYMANOV
