"Qarabağ"ın Avropa Liqasının qrup mərhələsində növbəti rəqibi olan Yunanıstanın PAOK klubu ölkə çempionatında 7-ci turun matçını keçirib. Sportnet.az-ın məlumatına görə, Saloniki təmsilçisi "İraklis"lə ev matçında 1:0 hesabı ilə qalib gəlib.
Meydan sahibləri erkən qolla - 3-cü dəqiqədə kapo-verdeli yarımmüdafiəçisi Qarri Rodrigesin vurduğu qolla 3 xal qazanıb. Qonaqlar 27-ci dəqiqədə futbolçusu ikinci sarı vrəəqə alaraq meydandan çıxardığına görə matçın böyük hissəsini azlıqda keçirsələr də, PAOK bundan hesabı artırmaq mənasında istifadə edə bilməyib.
Saloniki təmsilçisi 5 oyundan 8 xalla turnir cədvəlində 8-ci yerdə gedir. Yunanlar oktyabrın 20-də "Qarabağ"la Tofiq Bəhramov adına Respublika stadionunda görüşəcək.
