"Azərbaycan milli komandasının futbolçuları Kamran Ağayevlə Emin Mahmudovun Portuqaliyanın "Boavişta” klubuna keçidində AFFA-nın birbaşa rolu var".
Sportnet.az-ın məlumatına görə, bunu AFFA-nın baş katibi Elxan Məmmədov "Xəzər TV”də "Futbol saatı” prorqamında açıqlayıb.
O, hər iki milli üzvünün Portuqaliyanın yüksək liqa təmsilçisinə transferində vasitəçi olduqlarını gizlətməyib: "Bizim "Boavişta” ilə yaxşı əlaqələrimiz var. Onlara qapıçı lazım olanda, Kamranın CV-sini göndərdik. Üstəlik, o, Portuqaliya yığması ilə səfər oyununda inamlı çıxış edərək möcüzələr yaratmışdı. Həmin vaxt Ağayev "Sumqayıt”la müqavilə imzlayaraq onun heyətində məşq edirdi. Sağ olsun, bu klubun rəhbərliyi ki, Kamranın sərbəst gedişinə imkan yaratdı. Ağayev "Boavişta”də etimadı doğrultdu. İnanıram ki, Emin Mahmudov da həmin komandada oynayacaq".
