Rusiyanın Sankt-Peterburq şəhərində yerləşən "Zenit-Arena" stadionunun yığılıb-açılan meydançası futbol oyunları üçün uyğun deyil.
Sportnet.az-ın "Sport-Express"ə istinadən məlumatına görə, FİFA Təftiş Komissiyası və Dünya Çempionatı-2018 Təşkilat Komitəsinin nümayəndələri oktyabrın 31-də stadionda olublar. Yerindəcə aparılan təftişdən sonra Komissiya meydançanın normativlərə uyğun gəlmədiyini açıqlayıb. Meydan stadionun daxilində olan zaman o, açılıb-yığılma mexanizminin üzərində olur və bu da vibrasiyanın yaranmasına gətirib çıxarır.
Yaxın zamanda stadion rəhbərliyi problemi necə həll etməklə bağlı qərar qəbul etməlidir.
