"Qəbələ" Azərbaycan Premyer Liqasında yaranan fasilədən yararlanaraq istirahətə buraxılıb. Bu haqda Sportnet.az-a məlumat verən komandanın baş məşqçisi Roman Qriqorçuk sabah bir araya gələcəklərini bildirib: "AZAL-la matçdan sonra 3 günlük istirahətə yollandıq. Sabah Qəbələdə yığışıb məşqlərimizi bərpa edəcəyik. Planımızda yoxlama oyunu keçirmək var. Tarix kimi iki günü - noyabrın 12-13-ü nəzərdə tutmuşuq. Həmin günlərdən birinə rəqib axtarırıq. Tapmasaq, gənclərdən ibarət komandalarımızla üzləşəcəyik. Bu, bizim üçün hər zaman çox faydalı informasiya, yaxşı olay olur".
Xatırladaq ki, "Qəbələ" fasilədən sonra noyabrın 19-da evdə "Zirə" ilə oynayacaq.
