Cənubi Sudanda futbol komandası silahlı təzyiqə məruz qalıb.
Sportnet.az-ın məlumatına görə, "Yanq Starts"ın üzvlərini aparan avtobus naməlum şəxslər tərəfindən gülləbaran edilib.
İnsident komanda Cuqbada uduzduğu final oyunundan doğma şəhər Toritə qayıdarkən baş verib.
Nəticədə 1 nəfər - avtobusun sürücüsü həlak olub, 6 nəfər yaralanıb. Xəsarət alanlar arasında klub prezidentinin də olduğu bildirilir. Cinayətkarları həbs etmək, şəxsiyyətlərini müəyyənləşdirmək mümkün olmayıb.
Qeyd edək ki, bu, Cənubi Sudanda ilk belə silahlı hücum deyil. Ötən həftə İngiltərə Premyer Liqasının azarkeşləri oyunu izləyərkən terrorçuların hücumuna məruz qalıb. Nəticədə 11 nəfər həlak olub, 16 nəfər yaralanıb.
