İspaniya "Real Madrid"inin futbolçusu Alvaro Morata 1 ayadək sıradan çıxıb.
Sportnet.az-ın "Marca"ya istinadən məlumatına görə, 24 yaşlı hücumçu DÇ-2018-in seçmə mərhələsində Makedoniyanı 4:0 hesabı ilə yendikləri oyun zamanı özünü narahat hiss edib.
O, 64-cü dəqiqədə əvəzlənməli olub. Lakin İngiltərə ilə 2:2 hesablı heç-heçə etdikləri yoldaşlıq görüşündə Morata 64-cü dəqiqədə meydana daxil olub. Sonradan aparılan tibbi müayinə nəticəsində istedadlı forvarda sağ baldırının dizaltı vətərində ikinci dərəcəli dartılma diaqnozu qoyulub.
Qeyd edək ki, Alvaro Morata La Liqanın XII turunda "Atletiko", dekabrın 3-də "Barselona", eləcə də "Sportinq" və "Deportivo" ilə La Liqa, Çempionlar Liqasında isə Portuqaliya "Sportinq"i və Almaniyanın "Borussiya" (Dortmund) komandaları ilə görüşləri də buraxacaq.
