"İnter"lə oyundakı qələbəmizin davamını gətirmək istəyirik. "Sumqayıt”a ilk dövrədə məğlub olmuşduq. Bu baxımdan bu qarşılaşmada azarkeşlərimizi sevindirmək isəyirik". Sportnet.az-ın məlumatına görə, bunu "Neftçi"nin futbolçusu Mahir Şükürov klub saytına açıqlamasında deyib.
Azərbaycan Premyer Liqasının XII turunda "Sumqayıt"la keçiriləcək oyundan danışan 34 yaşlı müdafiəçi azarkeşləri komandanı dəstəkləməyə çağırıb: "Səfər oyunu olmasına baxmayaraq inanıram ki, azarkeşlər bizi tək qoymayacaqlar. Qış fasiləsinə qədər qalan oyunlarımızda maksimum xal toplamağa çalışacağıq".
Qeyd edək ki, noyabrın 20-də "Kapital Bank Arena"da keçiriləcək "Sumqayıt” - "Neftçi” oyunu saat 14:00-da başlanacaq.
