"Xorvatiyanın güclü futbolçuları olub. Mən Robert Prosineçkini xatırlayıram. Onunla həyatım boyu yoldaş olmuşuq. Super səviyyəli oyunçulardan biridir". "Report"un məlumatına görə, bunu məşhur xorvatiyalı futbolçu Zvonimir Boban Azərbaycan millisinin baş məşqçisi, həmyerlisi Robert Prosineçki haqda danışarkən deyib.
Boban sabiq komanda yoldaşını bu cür xatırlayıb: "Hər şeyə nail olmadı, halbuki buna istedadı imkan verirdi. Buna baxmayaraq Prosineçkinin tarixdə öz yeri var. Təəccüblü insandır və sehrli xarizmaya malikdir. Bu nəsildə mənim çoxlu dostlarım var. Lakin karyeram ərzində Robert mənimlə olub. Onunla uşaq vaxtı Zaqreb "Dinamo"sunda birgə çıxış etmişəm".
Qeyd edək ki, Boban 1983-1985, Prosineçki isə 1980-1986-cı illərdə "Dinamo"da çıxış edib.
