"İkinci qoldan sonra komanda "sındı". Ondan sonra oyunda dönüş yarada bilmədik. Bu gün ən yaxşı "Qarabağ"ı görmədim". Sportnet.az-ın məlumatına görə. bu fikirləri "Qarabağ"ın vitse-prezidenti Tahir Gözəl Avropa Liqasında Çexiyada "Slovan"a 0:3 hesabı ilə məğlub olduqları görüşdən sonra jurnalistlərə açıqlamasında bildirib.
Onun fikrincə, qapılarına təyin olunan penalti komandanın ruhunu "sındırıb": "Slovan" təsadüfi qələbə qazanmadı. Bizdən gözəl oynadılar. Düzdü futbolçularımız əllərindən gələni etdilər, amma bu ən yaxşı "Qarabağ" deyildi.
"Fiorentina"nın məğlub olmağından da xəbərim var. Çox çətin olacaq".
Göəzl son oyunda İtaliya klubuna mütləq qalib gəlməli olduqlarını söyləyib: "Fiorentina" çox güclü komandadır. Bizi çox çətin mübarizə gözləyir. Amma bu futboldur. Həmişə ümidliyik, "Qarabağ"ımıza inanırıq. Komandanın arxasındayıq. Sona qədər mübarizə aparmalıyıq".
