"Müdafiə xəttində ilk dəfə idi oynayırdım və çıxışımdan məmnunam. Ümid edirəm ki, zədəm olmasa, mövqeyimdə daim oynayaram".
Sportnet.az-ın məlumatına görə, bu sözləri "Anderlext"in serbiyalı müdafiəçisi Uros Spayiç deyib.
23 yaşlı futbolçu Avropa Liqasının V turunda "Qəbələ" ilə matçda layiqli qələbə qazandıqlarını bildirib: "Komandama yardım etməyə hazıram. Məşqlərdə Naytinklə praktiki olaraq heç vaxt oynamamışdıq. Amma meydanda işimizin öhdəsindən yaxşı gəldik. "Qəbələ"nin iki penaltidən başqa demək olar ki qol fürsəti yox idi. Əsas odur ki, nəticəni qazandıq. "Zulte Varegem"lə oyundan sonra baş məşqçimiz bizi bu oyuna kökləmişdi".
