İdman Araşdırmalar Mərkəzi (İAM) "İlin qalibləri-2016" layihəsi çərçivəsində keçirəcəyi mükafatlandırma mərasimi ərəfəsində rebrendinq etməyi qərara alıb. Yeni loqonun müəllifi Sportnet.az-ın veb-dizayneri Rüfət Vəlizadədir.
Burada dəniz, alov, qələm, yol, top simvolları əksini tapıb.
Qeyd edək ki, İAM 2012-ci il mayın 5-də Azərbaycanda olimpiya hərəkatı və idmanın inkişafına dəstək məqsədilə təsis olunub. Qurum həmin il Peşəkar Futbol Liqası tərəfindən mükafatlandırılıb. 2013-cü ildən etibarən İAM "İlin qalibləri" layihəsini həyata keçirir. 2014-cü il mayın 15-dən isə təşkilatın təsis etdiyi Sportnet.az portalı fəaliyyətə başlayıb.
