Fransa "Bastiya"sının futbolçusu Brandao komandanın məşqindən kənarlaşdırılıb. Sportnet.az-ın məlumatına görə, bu barədə baş məşqçi Klod Makelele qərar verib.
34 yaşlı hücumçu çempionatın II turunda PSJ-yə 0:2 hesabı ilə məğlub olduqları oyundan sonra qalmaqal törədib. O, paltardəyişmə otağına gedən tuneldə rəqib komandanın yarımmüdafiəçisi Tiaqo Mottaya kəllə ataraq, burnunu sındırıb.
"Bastiya" rəhbərliyi futbolçunu cərimələməyi qərara alıb. İntizam Komitəsi Brandaonu günahkar saysa, onu 2 ilədək diskvalifikasiya gözləyir. Üstəlik, hücumçu cinayət məsuliyyətinə də cəlb oluna bilər.
