Daniel Subotiç "Qəbələ”nin heyətindsə Premyer Liqada yubiley qoluna imza atıb. Sportnet.az-ın məlumatına görə, 28 yaşlı isveçrəli hücumçu "qırmızı-qara” formada çempionatda 15-ci dəfə fərqlənib. Bu, son "İnter”ə 2:0 hesabı ilə qalib gəldikləri səfər matçının 82-ci dəqiqəsində reallaşıb.
Subotiş qış fasiləsindən sonra qayıtdığı "Qəbələ”də 6-cı matçında 3-cü qolunu vurub. O, komandasında debüt mövsümü olan 2013/2014-də çempionatda 12 dəfə fərqlənib. Bu göstərici ilə Daniel "qırmızı-qaralar”da 1 mövsümdə ən çox qol vuran futbolçu kimi rekordçu olaraq qalır. Hücumçunun həmin mövsümdə ölkə kubokunda "Qarabağ”ın da qapısına yol tapdığını nəzərə alsaq, 13, ümumilikdə 16 qol müəllifidir.
Daniel "Qəbələ”də çempionatda qol sayında ukraynalı sabiq yarımmüdafiəçi Aleksey Qayı arxada qoyaraq yamaykalı həmkarı Deon Bartona çatıb. İndi hər iki hücumçu 15 qolla 4-5-ci pillələri bölüşdürür.
"Qəbələ”də milli emionatlarda ən çox qol vuran futbolçu seneqallı sabiq hücumçusu Viktor Mendidir – 29. Komandanın braziliyalı sabiq kapitanı, yarımmüdafiəçi Luis Hilario Dodo 23 qolla 2-dir. Fransalı sabiq hücumçu Yannik Kamananın hesabında 16 qol var. Göründüyü kimi, bombardirlər yarışında yuxarı pillələrdə olan futbolçulardan yalnız Subotiç hazırda da "Qəbələ”nin futbolçusudur.
Xatırladq ki, Daniel "Qəbələ"də ilk mövsümündə də "İnter"ə "İnter Arena"da uzaq məsafədən dəqiq zərbə ilə qol vurub. "Qırmızı-qaralar" həmin oyunda 1:0 hesablı qələbəni bayram edib.
Mehman SÜLEYMANOV
