Fransanın "Marsel" klubunun sabiq baş məşqçisi Migel Miçel İspaniya "Malaqa"sının sükanı arxasına keçib.
Sportnet.az-ın klubun rəsmi saytına istinadən məlumatına görə, 53 yaşlı mütəxəssis yeni vəzifədə Marselo Romeronu əvəzləyib. Onunla cari mövsümün sonunadək müqavilə bağlanılıb. İspaniya yığmasının sabiq yarımmüdafiəçisinin rəhbərliyi altında ilk məşq bu gün olub.
Qeyd edək ki, Migel Miçel baş məşqçi karyerası ərzində "Xetafe" və "Sevilya" ilə yanaşı, Yunanıstan "Olimpiakos"unda çalışıb.
