"Maraqlı oyun oldu. Hər iki komanda açıq futbola üstünlük verirdi. Məşqçimizin verdiyi tapşırıqları yerinə yetirib qələbə qazandıq".
Sportnet.az-ın məlumatına görə, bunu Azərbaycan milli komandasının futbolçusu Mahir Mədətov Qətərə səfərdə 2:1 hesabı ilə qalib gəldikləri yoldaşlıq oyununu affa.az-a dəyərləndirərkən deyib. Gənc hücumçu yığmada debütünü belə dəyərləndirib: "Bu oyun mənim üçün xüsusi əhəmiyyət kəsb edirdi. Çünki əsas millidə ilk dəfə debüt edəcəkdim. Həyəcan yox idi desəm, yalan olar. Baş məşqçi Robert Prosineçkiyə özümü göstərmək istəyirdim. Gənc bir oyunçu üçün bu böyük bir məsuliyyətdir. Düşünürəm ki, bunu bacardım. Əlbəttə, bununla kifayətlənməməliyəm. Növbəti toplanışlara da dəvət alsam, komandaya faydalı olmaq üçün bacardığımın ən yaxşısını etməyə çalışacağam”.
