Meksika Kuboku matçında baş hakim 30 saniyəyə "Toluka" klubunun 3 futbolçusunu qovub.
Sportnet.az-ın məlumatına görə, hadisə "Monarkas"la qarşılaşmanın 84-cü dəqiqəsində baş verib. "Toluka"nın futbolçusu Xesus Mendes kobud oyunu səbəbindən ikinci sarı vərəqə alıb. Onun həmklubları qərarla razılaşmayaraq, referi ilə mübahisəyə girişiblər. Nəticədə hər iki futbolçu da qovulub.
Qeyd edək ki, insident hesab 2:2 olarkən yaşanıb. Görüş isə "Toluka"nın penaltilər seriyasında məğlubiyyəti ilə nəticələnib.
