"Boavişta" klubu bu gün Portuqaliya çempionatında XXV tur matçına çıxacaq. Sportnet.az-ın məlumatına görə, rəqib "Maritimu" komandası olacaq.
Bakı vaxtı ilə saat 20:00-da başlanacaq görüşdə Azərbaycan millisinin qapıçısı Kamran Ağayev zədə səbəbindən iştirak etməyəcək. Yarımmüdafiəçi Emin Mahmudov da oyunun iştirak ərizəsinə daxil edilməyib.
Qeyd edək ki, 24 oyundan sonra "Boavişta" 30 xalla 10-cu, "Maritimu" isə 37 xalla 6-cı pillədə qərarlaşıb.
