Ağdamın "Qarabağ" klubu Türkiyə təmsilçisi "Fənərbağça"nın qapıçısı Volkan Demirelə təklif göndərib. Sportnet.az-ın məlumatına görə, belə bir iddia ilə "Haber7" çıxış edib.
Bildirilir ki, Azərbaycan təmsilçisi Türkiyə millisinin 36 yaşlı sabiq qapıçısına 2 illik müqavilə təklif edib. Dəvətə görə təşəkkür edən Demirel, son ana qədər "Fənərbağça"dan təklif gözləməyi üstün tutduğunu bildirib.
"Qarabağ" klubunun mətbuat xidməti isə xəbəri təkzib edib: "Bunu sizdən eşdirik. Bu cür xəbərlərə fikir vermək lazım deyil. Heç bir əsası yoxdur".
Qeyd edək ki, Volkan Demirel 2002-ci ildən "Fənərbağça"nın şərifini qoruyur. O, İstanbul təmsilçisinin heyətində 352 matça çıxıb.
